Gjatë pjesëmarrjes në shoun televiziv “Loose Women”, Katie Price ka thënë se do ta shiste trupin e saj për një milionë funte.
Momentalisht e martuar me burrin e saj të tretë Kieran Hayler, modelja 37-vjeçe ka folur në një panel rreth prostitucionit, ku ka deklaruar se do ta shqyrtonte mundësinë e shitjes së trupit të saj për shumën e parave të cekura më lartë, transmeton Zeri.info.
“Dua ta bëj këtë që qartë. Nuk jam duke bërë shaka. Nëse dikush e ofron këtë shumë, ja ku jam. Një milionë funte kesh, nëse më do në shtrat”, ka deklaruar ajo.
Ajo menjëherë ka shtuar: “Nuk jam duke insistuar në këtë. Duhet ta diskutoj këtë edhe me burrin tim, por imagjinoni sa e lehtë do të ishte kjo. Janë para të lehta. Nuk them se jam prostitutë, por them se femrat e kanë lehtë për të arritur tek paratë”.
Price, për të cilën thuhet se është sërish shtatzënë, fiton mjaft para nga koleksionet e saj të rrobave dhe nga shitja e librave, por prapë do ta shiste trupin e saj nëse pagesa do të ishte e mjaftueshme, shkruan më tej zeri.info.
Dy panelistet tjera në këtë shou, Caroline Quentin dhe Gloria Hunniford, kanë deklaruar se nuk do ta bënin këtë, ku kjo e fundit ka thënë se ka refuzuar ofertën prej 10 milionë funteve. Katie deri më tani është martuar tre herë dhe ka 5 fëmijë nga këto martesa, ndërsa njihet për skandalet e saj të shumta seksuale.
