Një makinë tip Peugeot 607, me 6 bombola gazi, njëra prej tyre bosh ka vënë në alarm policinë franceze. Makina ishte parkuar pranë Notre Dame, por asnjë detonator nuk u gjet i lidhur me bombolat, bëjnë të ditur mediat ndërkombëtare.
Makina pa targa ishte parkuar pranë katedrales së Notre Dame të Parisit. Zbulimi është bërë gjatë natës së të shtunës, duke zbardhur dita e dielë. Për rastin në fjalë po heton skuadra antiterrorizëm, shkruan ‘Le Figaro’, ndërsa mësohet se disa persona janë shoqëruar. Pronari i makinës ishte një person nën hetim nga shërbimet e inteligjencës franceze.
Alarmin e dha një pronar i një bari pranë katedrales. Të shoqëruar janë 10 persona, mes tyre dhe pronari i makinës, që është punonjës i barit të pronarit që e denoncoi. Pronari i makinës figuronte në listën e personave që mbahej nën vëzhgim nga shërbimet e inteligjencës.
Parisi mbetet në shkallën e lartë të sigurisë pas sulmeve terroriste që pësoi muajt e kaluar. Kryeministri Manuel Valls në një intervistë të dhënë kohët e fundit për Rtl theksoi se; “kërcënimi nuk ka qenë kurrë ndonjëherë më i lartë sesa kohët e fundit”.
BW/d.i.
