Ligji që po diskutohet në dhomat parlamentare të Italisë, rrezikon ta vështirësojë punën e Call Center-ave në Shqipëri, por nuk pritet të sjellë mbylljen e tyre.
Agron Shehaj, investitori i parë në këtë sektor, nuk pret efekte të mëdha nga pretendimet e Italisë për të mbrojtur vendet e saj të punës në këtë sektor.
Por çfarë do duhet bërë në rast të një vendimi ekstrem. Alternativë e një tregu të maturuar si ai i Call Center-ave, janë shërbimet e specializuara dhe zgjerimi i paketës së shërbimeve për tregje të ndryshme.
Një hap qe, themeluesi i parë i kompanisë Call Center në Shqipëri, duket se e ka ndërmarrë tashmë. Pas disa kontratash shërbimi me Google, Shehaj planifikon të hapë disa kompani në Britani, Spanje e Gjermani.
Aktualisht tregu i Call Center-ave në Shqipëri llogaritet të punësojë më shumë se 25 mijë të rinj me pagë mbi mesataren. Çdo dëmtim i këtij sektori, do të rrezikonte një papunësi më të lartë të të rinjve dhe mbi të gjitha, rritje të emigracionit të tyre.
Aktualisht në Call Center, ka menaxherë që kanë mbaruar studimet me rezultate shumë të mira, në fusha të ndryshme./abcnews/a.k
