Mund të cilësohet si një “Kullë e vërtetë Trump në qiell”, avioni “Air Force One” i cili iu dhuarua presidentit amerikan nga Katari. Në të ka një dhomë gjumi kryesore, dhomë gjumi për mysafirë, njëmbëdhjetë tualete, pesë kuzhina, si dhe një zyrë private. Por ka edhe më shumë: pesë sallone, transmetime televizive direkte, si dhe lidhje me internet, 40 televizorë, rifinitura ari, panele druri të zbukura që mbulojnë edhe shkallët e brendshme që lidhin dy “katet” e aeroplanit. Në avion ka pesë rreshta sediljesh biznesi, ndërsa në bord ka vend për 90 pasagjerë dhe 14 anëtarë të ekuipazhit.
Një kompanie zvicerane i janë dashur dy vjet për të krijuar këtë xhevahir. Dhe tani, Boeing 747-8 që familja mbretërore e Katarit do t’ia dhurojë Donald Trump do të duhet t’i nënshtrohet një ndërhyrjeje të re për ta pajisur atë me sistemet e komunikimit dhe sigurisë të nevojshme për transportimin e presidentit të SHBA-ve. Trump ka tashmë mundësinë ta ketë këtë xhevahir të aviacionit privat. Ai do ta përdorë atë si avion presidencial deri në fund të mandatit të tij, më pas do t’i transferohet Fondacionit të Bibliotekës Presidenciale Trump (deri më 1 janar 2029) dhe do të bëhet praktikisht pjesë e flotës së tij personale.
Trump shpresonte të ishte në gjendje të përuronte modelin e ri Boeing të Air Force One, i cili do të zëvendësonte dy avionët që janë tashmë në përdorim që nga fillimi i viteve 1990. Por një sërë vonesash dhe rritjesh të kostove krahasuar me projektin fillestar (i cili daton që nga viti 2018 dhe që vlerësoi në 3.9 mld dollarë buxhetin për pritjen 6-vjeçare), por që tashmë rrezikon shtyrjen e përfundimit të ndërtimit deri pas vitit 2028, viti i fundit i presidentit në Shtëpinë e Bardhë.
Puna për pajisjen e avionit të dhuruar nga familja mbretërore e Katarit, me të gjithë elementët e nevojshëm, i është besuar tashmë L3Harris, kontraktorit të gjashtë më të madh të Pentagonit. Pasi të përfundojë, 747-8 do të jetë Air Force One më i gjati (250 metra), më i shpejti (650 mph) dhe me rrezen më të gjatë të fluturimit (8,700 milje).
Aeroplani është tashmë në Teksas
Boeing 747-8 që Katari ia dhuroi Donald Trumpit, ka qëndruar në një ambient në Aeroportin Ndërkombëtar të San Antonios në Teksas për pesë javë.
Aeroplani mbërriti në Teksas më 3 prill, pasi u nis nga Doha më 30 mars, duke bërë një ndalesë në Charles de Gaulle në Paris dhe më pas një tjetër në Aeroportin Bangor në Maine më 2 prill, sipas një zëdhënësi për FlightRadar 24.
