Një shtetas amerikan me origjinë jordaneze gjatë fluturimit me një aeroplan të aviokompanisë “Lufthansa” nga Frankfurti drejt Beogradit, ka provuar të hyjë në kabinën e pilotit, por ai është neutralizuar nga pasagjerë të tjerë dhe nga ekuipazhi në aeroplan. Aeroplani ia doli që të ulet në mënyrë të sigurt në Beograd, ndërsa personi që shkaktoi kaos është marrë nga policia serbe dhe tash ai po jep deklaratën në Departamentin e Policisë në Boegrad, raportojnë mediat serbe.
Drama filloi mbi qiejt e Austrisë kur jordanezi kërcënoi se do ta hapë derën e kabinës. Ai ka bërtitur “hapeni derën” dhe ka filluar ta godasë derën, shkruajnë mediat. Personi me emrin Laken ka tentuar që ta hapë derën dhe të shkaktojë kaos. Gjatë gjithë kohës ai kishte thënë se e kishte humbur mendjen dhe se dëshiron të shkojë tek All-ahu, ka raportuar “Blic”.
