Të paktën një person ka vdekur dhe 450 janë shtruar në spital pas përhapjes së një sëmundjeje të mistershme në Indi. Gjendja e paidentifikuar u zbulua në fundjavë në Eluru, një qytet i lashtë në shtetin indian të Andhra Pradesh, i njohur për copat e thurura me dorë.
Një burrë 45-vjeçar që u shtrua në spital me simptoma si epilepsi dhe të përziera, vdiq të dielën.
Zyrtari i mbikqyrjes së zonës Dolla Joshi Roy tha se 455 njerëz ishin shtruar në spital por prej atëherë 200 ishin lënë të dilnin, raporton britanikja Guardian.
Tashmë zyrtarët po përpiqen të përcaktojnë shkaqet e sëmundjes. Deri tani mostrat e ujit nuk kanë treguar shenja kontaminimi.
Andhra Pradesh është goditur nga infektimet me koronavirus, me më shumë se 800,000 dhe ashtu si në pjesën tjetër të Indisë, sistemi shëndetësor është ezauruar nga sëmundja./a.p
