Një ngjarje e rëndë ka ndodhur në burgun e Fierit. Një 38 vjeçar i ka dhënë fund jetës duke u vetëvarur në qeli.
Sipas informacioneve të para i riu ishte dënuar me 3 muaj burg për vjedhje.
Nga autoritetet e burgut bëhet me dije se i dënuari është trajtuar për shenja depresive.
“Nga ana e IEVP, Fier, ky person është dërguar për ekzaminim para ngjarjes, pasi ka shfaqur shenja depresive. Ngjarja ka ndodhur rreth orës 22:45 të së premtes, ndërsa i dënuari ndodhej në qeli teke, pa persona të tjerë”, bënë me dije burime nga burgu i Fieri.
Dyshimet e para janë se 38-vjeçari mund t’i ketë dhënë fund jetës pasi nuk ka përballuar dot qëndrimin në qeli.
Ndërsa dy ditë më parë ishte transferuar nga Vlora në burgun e Fierit./a.m.
