Alena Seredova është kthyer të flasë për martesën e gjatë me Gigi Buffon, e cila përfundoi pas takimit të ish-yllit të Juventus me gazetaren Ilaria D’Amico, partnerja e tij aktuale. Në një intervistë të dhënë për “Fuorigioco”, ish-bashkëshortja e futbollistit ka komentuar ndarjen e papritur dhe të vështirë, duke saktësuar se ajo nuk ka patur asnjë përgjegjësi:
“Ndarja me Gigi-n ka qenë një moment shumë i vështirë”, ka kujtuar Alena. “Por nuk ka qenë për fajin tim. Marrëdhënia jonë është përmirësuar me kalimin e kohës. Gjithçka mund të kalohet për hir të fëmijëve. Uroj që ata të realizojnë ëndrrat e tyre dhe të jenë të lumtur, kjo është ajo që ka rëndësi”.
Të lidhur që në moshë të re, Buffon dhe Alena anë ndarë kur kampioni i Juventus pranoi se kishte një lidhje me Ilaria D’Amico, gazetare sportive e “Sky”. “Një epilog i shëmtuar, që nuk është vendosur nga unë”, ka thënë Seredova, duke kujtuar atë periudhë të vështirë.
“Fama nuk të ndihmon në raste të tilla, të gjithë sytë ishin nga unë dhe nuk doja të dilja nga shtëpia. Do të kisha dashur të qaja në vetmi, pa u vënë re. Ka qenë një moment shumë i vështirë… Fëmijët e mi janë forca e vërtetë. Kam provuar të shtirem për të mos i krijuar probleme atyre. Kisha një ‘maskë’ dhe recitoja një pjesë”.
Alena ka sqaruar edhe se marrëdhënia që ka sot me Gigi-n është normale: “Unë nuk kam rrugë të mesme, jam si Juventusi im: bardh e zi. Tani marrëdhënia me Gigi-n është e pjekur, me dy të rriturish që në periudhën më të bukur vendosën të formonin një familje. Kemi dy fëmijë të mrekullueshëm, është e drejtë të jetë kështu”.
ma.me
