Deputeti Ben Blushi u ka bërë thirrje të gjithë dibranëve që të denoncojnë të gjitha problematikat dhe parregullsitë e referendumit të nesërm, duke hedhur akuzën se kutitë e votimit janë mbushur me vota që këtë të premte, pa filluar ende votimi.
Blushi akuzoi përsëri Kryeministrin Rama si shkaktarin kryesor të drejtimit aspak të mirë të PS-së, duke u thënë dibranëve se Shqipëria nuk po qeveriset nga Partia Socialiste, por nga Rilindja.
“Nëse Berisha vidhte votat tona… Edi Rama do hyjë në histori si kryetari që vjedh votat e anëtarëve të partisë që ai drejton”- ka thënë Blushi në një takim që ka bërë në Dibër.
Ndërkohë Kryeministri Edi Rama ka reaguar përmes një statusi në Facebook duke e cilësuar ditë të shënuar mbajtjen e referendumit dhe duke i bërë thirrje anëtarësisë së PS që t’i bashkohet procesit të votimit.
“Neser nje dite e shenuar per PS qe pyet anetaresine me referendum:-) Pjesemarrja e çdo anetari kontribut per forcimin e demokracise ne PS”, shkruan Rama.
