Inxhinieri Bardhyl Reso i ftuar në emisionin ‘Shqip’ nga Rudina Xhunga në Dritare TV, tha se SPAK duhet të ndjekë penalisht shitjen e katër hidrocentraleveve në Shqipëri, te KURUM. Reso e vuri theksin në mënyrë të veçantë te çmimi i shitjes së këtyre hidrocentraleve, duke e cilësuar qesharake.
“Duhet të ndiqet penalisht nga SPAK problemi i shitjes së hidrocentraleve të lumit të Matit dhe të Bistricës drejt kompanisë turke KURUM. Nuk e di në cilin ligj është bazuar kontrata e shitjes së veprave energjetike në Shqipëri, 1 kompanie të huaj. Burimet energjetike janë vepra të sigurisë kombëtare. Dhe për ato çmime që janë shitur e për çfarë arsye u shitën. Tenderi bëhet kur ka një arsye por në këtë rast unë nuk e kuptoj cila ishte arsyeja. U bë sepse po vinin votimet dhe duheshin para për fushatë elektorale. S’e kuptoj pse duhet të shiten këto vepra.
Një humbje e jashtëzakonshme për ekonominë shqiptare. E megjithatë asnjë nuk flet. SPAK gjithashtu duhet të merret edhe me çështjen e termocentralit të Vlorës”, u shpreh Reso.
Reso: SPAK të hetojë shitjen e 4 hidrocentraleve nga Berisha tek KURUM!
Reso ishte i ftuar për të folur lidhur me krizën energjetike që ka përfshirë Evropën por edhe Shqipërinë, krizë kjo me rrënjë të thella ku kryesisht peshën e mbante shitja e katër hidrocentraleve tek KURUM.
Në një lidhje Skype, zoti Reso tregoi për Dritare TV disa nga gabimet e së shkuarës lidhur me energjinë, siç ishte çështja e KURUM në kohën e Berishës, gabime të cilat po i vuajmë sot. Për këto gabime zoti Reso tha se duhej të hetonte SPAK.
“Unë mendoj që dy nga arsyet kryesore të problemeve të vështirësive të furnizimit me energji elektrike kanë qenë e para, mosmenaxhimi i mirë i burimeve ekzistuese dhe arsyeja e dytë është se ne për një kohë të gjatë në Shqipëri nuk kemi ndërtuar as edhe një burim të ri të fuqishëm energjetik. Përjashtuar këtu investimet që kanë bërë të huajt në kaskadën e lumit Fan edh Devoll, ne kemi ndërtuar disa hidrocentrale të vegjël që kanë të mirat e tyre për prodhimin e energjisë po kanë edhe shumë të meta, pasi në shumë vende kanë dëmtuar edhe zona turistike. Gjithashtu, ke kemi bërë dhe gabime të tjera të mëdha. Ne i kemi shitur kompanisë KURUM, 4 hidrocentrale. Kjo është një vepër penale, është antikushtetuese dhe antikombëtare.
Duhet të ndiqet penalisht nga SPAK problemi i shitjes së hidrocentraleve të lumit të Matit dhe të Bistricës drejt kompanisë turke KURUM. Nuk e di në cilin ligj është bazuar kontrata e shitjes së veprave energjetike në Shqipëri, 1 kompanie të huaj. Burimet energjetike janë vepra të sigurisë kombëtare. Dhe për ato çmime që janë shitur e për çfarë arsye u shitën. Tenderi bëhet kur ka një arsye por në këtë rast unë nuk e kuptoj cila ishte arsyeja. U bë sepse po vinin votimet dhe duheshin para për fushatë elektorale. S’e kuptoj pse duhet të shiten këto vepra.
Sidomos kur flasim për një vepër të sapo rehabilituar si hidrocentrali i Bistricës, një dhuratë kjo e shtetit gjerman. Madje çmimi që e kemi shitur është komplet qesharak. Bëhet fjalë për çmimin që KURUM e a fituar vetëm me shitjen e energjisë për një vit. Ai ka shlyer vetëm një vit çmimin që e ka blerë, dhe gjithë pjesën tjetër pastaj e ka fitim.
Një humbje e jashtëzakonshme për ekonominë shqiptare. E megjithatë asnjë nuk flet. SPAK gjithashtu duhet të merret edhe me çështjen e termocentralit të Vlorës”, u shpreh ai.
