Nga Mero Baze
Lulzim Basha ka plot arsye përpara të bëj beteja të forta. Në horizont është beteja për punën e policisë kundër krimit, beteja për ligjin elektoral, beteja ndaj politikës së taksave që pritet të ndryshoj nga qeveria, buxheti i fundvitit, etj. Shpërthimi i sotëm opozitar nuk ka lidhje me axhendën e opozitës shqiptare, por me axhendën personale të Lulzim Bashës dhe përpjekjen e tij dhe të Berishës për të zhurmuar kundërshtarët e Lulzim Berishës në Partinë Demokratike.
Bashkimi i tyre rreth një dokumenti kundër zgjedhjes së paligjshme të Bashës kryetar, më në fund e bëri efektin e vet. E hodhi Bashën në një luftë të papritur për tu treguar të gjithëve se pavarësisht se si është zgjedhur, ai di të bëj opozitë.
Me një kauzë tërësisht të shpikur nga axhenda e tij personale, ai po tenton të “bëj të fortin” në parlament, për të mbajtur të foksuar shtypin dhe opinionin publik tek teatri i tij dhe jo tek drama e tij.
I këshilluar këtë rradhë qartazi nga Berisha, ai shpiku një problem që nuk egziston, për të muluar një problem real që egziston për të dhe që janë kundërshtarët e tij. Një shkollë tipike e Berishës. Ai shpiku që debatin për reformën zgjedhore e do sot, e do në orën 16 dhe e do menjëherë si urdhër, duke kërkuar shkelje ligji, dhe duke tentuar të duket si njeri që mund ta poshtëroj parlamentin me forcën e tij.
I gjithë ky teatër, i cili nuk buron nga dashuria për reformën zgjedhorem pasi atë e zgjidhi më 18 maj me një pazar të thjeshtë me Edi Ramën, për të marrë 11,4 milion eurot e pallatit në Vlorë, dhe për të hyrë në zgjedhje. Meraku i tij real është që të sfumoj vemendjen e opinionit publik nga kundërhstarët e tij që po vënë në dyshim legjitimitetin e tij si kryetar partie, dhe të fitoj besimin e demokratëve si një kryetar që e meriton atë post pavarsisht se çfarë ka ndodhur.
Kaq është e gjithë kjo histori. Shpresa e tij është se rrugës mund të prodhoj incidente dhe të kaloj nga kauza në kauzë, nga reforma tek Ruçi dhe çfarë ti dal rrugës. Por dhe këtë fatkqesisht ja sfumoi Ruçi, duke ja falur dwnimin, meqë e trajton si “dhëndërr i ri”.
Kjo kënaq në finale dhe apsiratat e kundërshtarëve të tij, pasi ata në fund të fundit këtë deshën. Të ngrejnë në këmbë PD dhe Luli të mos flej gjumë katër vjet si në bashki. Në mos e shkarkofshin si kryetar, lëvizja brenda PD vlejti për ta bërë të ndjehet kryetar në Kuvend dhe të bëj sikur e ka betejën me Ruçin apo Ramën. Në fakt e ka me të vetët. Me atë që nuk e njohin për kryetar. Se Rama dhe Ruçi ku ta gjejnë një kryetar kundërshtar si Luli. E lënë aty në podium si kukull dhe vazhdojnë punë.
