Anëtari i Këshillit Kombëtar në PD Gent Strazimiri ka sulmuar ashpër marrëveshjen e ofruar nga kreu i PD Lulzim Basha për kryeministrin Edi Rama sa i takon vettingut të politikanëve.
Përmes një postimi në rrjetin social Facebook, Strazimiri theksoi se Basha nga një betejë deri në pikën e fundit të gjakut po e shndërron në një marrëveshje pa pikë gjaku.
Postimi i plotë i Gent Strazimirit:
Një betejë-marrëveshje me kriminelin-pastrues, dhe “llumi” që e refuzon!
Pse kemi nevojë urgjente për Vetting të politikës?
Sepse partia e pushtetit dhe kryetari i saj,
* i kanë hapur dyert krimit në politikë,
* kanë shfrytëzuar influencat kriminale për të deformuar votën,
* kanë asgjësuar debatin parlamentar duke përdorur dhunën e kriminelëve në parlament.
Më tej, po me votat e kriminelëve në parlament,
* kanë asgjësuar pavarësinë e gjyqësorit,
* kanë ndëshkuar gjyqtarët dhe prokurorët e pabindur
* kanë emëruar dhe promovuar gjyqtarë e prokurorë, persekutorë të Partisë së Punës
* kanë vendosur kontrollin mbi çdo segment të drejtësisë, përmes familjarëve të ngushtë të ministrave të përfolur për korrupsion.
Çfarë ofrohet si zgjidhje?
Një “betejë deri në pikën e fundit të gjakut”?
JO!
Ofrohet:
* një marrëveshje me partinë e pushtetit dhe kryetarin-kriminalizues të politikës, që kjo struktura e kontrolluar nga partia e pushtetit dhe kryetari-kriminalizues i politikës, të bëjnë edhe vettingun e politikanëve… madje edhe atyre të opozitës…
Kush e refuzon me përbuzje si “zgjidhje” këtë marrëveshje bashkëpunimi me kriminalizuesin, damkoset si “llum i tranzicionit” …
Një “betejë deri në pikën e fundit të gjakut” që shndërrohet në “marrëveshje pa pikën e gjakut”, është një perversitet i aktruar keq, veçanërisht kur ofrohet “me të trashme të zonit”, si “dënim” dhe, “pësohet” me “përulësi” nga … kriminalizuesi…
#qëndro_në_këmbë_demokrat
#asnjë_hap_pas./m.j
