Dy grupet në PD po nisin një luftë të re civile mes tyre. Pas sulmit me mjete të forta mbi seli, janarin e vitit të shkuar, lufta për minutat në Parlament, që degjeneroi gati në një përplasje fizike, tashmë Berisha po inicion një tjetër lëvizje, këtë radhë për të rrëzuar të komanduarin e Bashës, Enkelejd Alibejan nga karrigia e kreut të grupit parlamentar demokrat.
Ndërmjetës në këtë iniciativë të tij, është deputeti që kurrë nuk u rreshtua krah tij në betejat për ta marrë PD, Ervin Salianji.
Deputeti Salianji, që merrte pjesë në mbledhjet e Alibeajt, prej fillimit të dhjetorit po bën të gjitha përpjekjet për të bindur deputetët që të bashkohen me ata të Berishës, për ta rrëzuan Alibeajn nga kryesimi i grupit parlamentar të PD-së.
Dhe duket se është afër numrit të firmave që i duhen, me bashkëpunimin e deputeteve mbështetës të Sali Berishës. Duhen 18 të tilla.
Ky pazar i Salianjit me Berishën forcon pozitat e kreut të selisë blu dhe i jep deputetit një pozicion më të lartë në hierarkinë e partisë. Kjo e gjitha ndodh ndërkohë që Salianji është në përballje gjyqësore, për cështjen “Babale”, i kallëzuar për mashtrim.
Por një lëvizje e tillë thellon edhe më shumë ndarjen e PD-së. Sipas informacioneve, deputetët Gazmend Bardhi, Jorida Tabaku, Oriola Pampuri, Flamur Hoxha, Arbi Agalliu, nuk kanë ndryshuar qëndrim dhe vijojnë të jenë kundër Berishës.
Janë një grup tjetër që kanë qenë afër Alibeajt, si Ferdinand Xhaferraj, që është ndër firmëtarët për ta zëvendësuar atë më Salianjin. Këtë ai nuk e fshehu.
Xhaferaj tha se është bindur mbrëmjen e djeshme, kur Alibeajt me një vendim personal përjashtoi 4 deputetë nga grupi demokratë, Belind Këllici, Oerd Bylykbashi, Agron Shehaj dhe Trian Shehun. Dhe firma kundër tij është për arsye parimore./abcnews.al/m.j
