Presidenti Bujar Nishani ka paditur në gjykatë Kryebashkiakun Erion Veliaj pas akuzave të këtij të fundit në një emision televiziv se kreu i shtetit ka grabitur pronën e një kishe në Elbasan.
Kreu i shtetit kërkon një dëmshpërblim prej 100 lekësh të reja për dëm moral dhe cënim të nderit e personalitetit të tij.
Gjithashtu, në kërkesëpadi kërkohet që “pala e paditur të përgënjeshtrojë deklaratat e bëra duke publikuar me shpenzimet e veta në emisionin “Opinion” të TV Klan dhe mediat kombëtare vendimin e Gjykatës”.
Padinë e tij Nishani e bëri publike disa ditë më parë, ndërsa në reagim të saj, Kreu i Bashkisë Veliaj tha se do ta priste me padurim gjestin, duke ironizuar se për gjykim të kësaj çështje mund të vihej dhe Gjin Gjoni si gjyqtar. javanews/ a.k
