Presidenti i Republikës, Bujar Nishani, vlerësoi në një ceremoni dekorimi mbajtur në Pallatin e Brigadave disa prej figurave të shquara shqiptare të shkencës, artit dhe kulturës (pas vdekjes) të cilët ka lënë gjurmë të pashlyeshme në historinë shqiptare të trashëgimisë artistike, letrare, gjuhësore, muzikore, kinematografike dhe sportive, referuar burimeve te presidences.
Ai nderoi Aleks Budën (pas vdekjes) me Dekoratën “Gjergj Kastrioti Skënderbeu”; Robert Shvarcin (pas vdekjes) me Dekoratën “Nderi i Kombit”; Tonin Harapin (pas vdekjes) me Dekoratën “Nderi i Kombit”; Petro Zhejin (pas vdekjes) me Dekoratën “Nderi i Kombit”; Refik Resmjen (pas vdekjes) me Dekoratën “Nderi i Kombit”
.Gjithashtu në këtë ceremoni nderimi, Kreu i Shtetit shqiptar vlerësoi Pjetër Gacin (pas vdekjes) me Titullin “Kalorës i Urdhrit të Skënderbeut, Peçi Dadon (pas vdekjes) me Titullin “Kalorës i Urdhrit të Skënderbeut”, Asllan Rusin (pas vdekjes) me Titullin “Kalorës i Urdhrit të Skënderbeut” . (b.an)
