Pas miratimit nga Kuvendi më datë 30 gusht dhe pas futjes në fuqi të ligjit në datë 8 tetor, Vettingu ka nisur zbatimin. Inspektorati i Lartë i Deklarimit dhe Kontrollit të Pasurive dhe Konfliktit të Interesave ka publikuar sot formularin për rivlerësim të gjykatësve dhe të prokurorëve.
Gjykatësit dhe prokurorët kanë 30 ditë afat për të plotësuar formularin. Sipas udhëzimit të publikuar nga kreu i ILDKPKI, Shkëlqim Ganaj deklarata e pasurisë nuk do të pranohet nëse nuk shoqërohet me dokumentacionin e identifikimit të subjektit të rivlerësimit.
Në bazë të udhëzimit deklarimi i pasurive të paluajtshme, të regjistruara ose jo në regjistrat publikë, të shoqërohet me dokumentacionin justifikues ligjor, kontratë shitblerje, kontratë sipërmarrje, akt marrëveshje, kontratë paraprake, kontratë porosie etj, dhe certifikatën e pronësisë në rastet kur prona është e regjistruar në ZVRPP.
Gjithashtu për çdo pasuri në pronësi, të paluajtshme, të luajtshme, likuiditete, vlerën e aksioneve, letrave me vlerë dhe pjesët e kapitalit në zotërim etj, subjekti i rivlerësimit dhe personi i lidhur me të, duhet të deklarojë burimin duke bashkëlidhur dokumentacionin ligjor për të justifikuar ligjshmërinë e burimit. Partia Demokratike e ka dërguar ligjin në Gjykatën Kushtetuese duket kërkuar rrëzimin e tij.
ma.me
g
