Pas Shkodrës, edhe në Tiranë ka nisur vaksinimi në shtëpitë e të moshuarve. Deri tani afro 1700 persona janë vaksinuar me vaksinën Pfizer. Gjysma e tyre kanë marrë të dyja dozat e vaksinës.
Mes të vaksinuarve janë mjekë, infermierë të spitaleve Covid, epidemiologë si dhe bluzat e bardha të spitaleve rajonalë. Procesi i vaksinimit po kryhet në stadiumin “Air Albania”, në shtëpitë e të moshuarve si dhe edhe në Shkodër.
Deri tani asnjë prej të vaksinuarve nuk ka paraqitur efekte anësore serioze përveç mjekut Pëllumb Pipero që u infektua pas dozës së parë.
Të hënën në Tiranë mbërritën mbi 7 mijë doza të vaksinës Pfizer. Brenda Shkurtit pritet të vijnë në total 40 mijë doza nga kompania Pfizer.
/a.r
