Pavarësisht se më 30 gusht u thirr seanca e jashtëzakonshme ku u miratua ligji i rivlerësimit të gjyqtarëve dhe prokurorëve, sot është çelur zyrtarisht sesioni i shtatë i legjislaturës së tetë të Kuvendit. Që në fillim të hapjes së këtij sesioni është betuar deputetja më e re e Kuvendit, Dhurata Çupi, e cila zëvendëson në këtë pozicion ish- deputetin e PD-së, Sherefedin Shehu, i cili dha dorëheqjen nga mandate pasi ai garon për postin e kryetarit të Bashkisë Dibër në zgjedhjet e 11 shtatorit.
Pas betimit të Çupit, kryetari i Kuvendit, Ilir Meta ka marrë fjalën e rastit, ku pasi ka nënvizuar se hapja e këtij sesioni përkon me shenjtërimin e Nënë Terezës, ka vënë theksin në rëndësinë që ka gjatë kësaj legjislaturore kompletimi i Reformës në Drejtësi, si dhe Reforma Zgjedhore. Ky sesion i ri pritet të shoqërohet me debate, kryesisht për paketën e Reformës në Drejtësi, e cila ende nuk është mbyllur, si dhe Reforma Zgjedhore. Meta njoftojë edhe projektligjet e depozituara në Kuvend që do të jenë fillimisht pjesë e debateve në Komisione.
ma.me
