Ambasadori i ri i Shteteve të Bashkuara të Amerikës në Kosovës, Greg Delawie, ka filluar edhe zyrtarisht punën në Kosovë, kur i dorëzoi letrat kredenciale Presidentes Atifete Jahjaga.
Ambasadori i porsaardhur u shpreh i lumtur për marrjen detyrës së re.
“Shtetet e Bashkuara, që nga vitit 1996, kur hapën zyrën e parë këtu, mbetën miq të mëdhenj të vendit tuaj”. “Unë me gruan dhe dy fëmijët e mijë jemi të lumtur të shohim jo vetëm historinë e këtij vendi por edhe bukuritë e tija natyrore”.
Ai tha se i pret me padurim bisedat me prijësit qeveritarë, grupet e interesit dhe me shoqërinë civile.
“E di se do të dëgjoj shumë për sfidat e shumta me të cilat përballeni, por edhe idetë tuaja të mira për vazhdimin e partneritetit tonë të fuqishëm përmes së cilit mund të arrijmë edhe më shumë suksese dhe të arritura. Jam i bindur se, duke punuar së bashku, udhëheqësit kosovarë mund ta vazhdojnë ta çojnë përpara sundimin e ligjit ta forcojnë sigurinë rajonale, të ndërtojnë institucione të fuqishme demokratike dhe ta vazhdojnë punën e rëndësishme për të ofruar mundësi ekonomike për të gjithë”, tha ndër të tjera Delawie.
Ai ka takuar edhe kryeministrin Isa Mustafa, takim ku vlerësoi “progresin që po arrihet në Kosovë”, duke shprehur përkrahjen e mëtejshme të SHBA-ve për Kosovën.
