Ilir Meta ka ftuar ditën e enjte për një tryezë të kreun e PD, Lulzim Basha dhe aleatët e opozitës, të cilët pas shembjes së Teatrit Kombëtar kanë bërë thirrje për protesta dhe rrëzimin e qeverisë.
Burime për mediat konfirmojnë se takimi pritet të realizohet në Pallatin e Brigadave ditën e enjte më 21 maj.
Pjesë e axhendës së takimit, mësohet se do të jenë shembja e Teatrit Kombëtar dhe bllokimi i tryezës së Reformës Zgjedhore.
Një ditë më parë, kreu i shtetit ka realizuar një takim me ambasadorët e vendeve të Bashkimit Europian, ndërkohë që pritet të startojë dhe tryezën me faktorin politik, që pas 17 majit, duket se është rikthyer sërish në ngërç.
Kjo nuk është hera e parë që Meta fton në takime të mbyllura drejtuesit e opozitës apo ish-presidentët e PD-së, kryesisht për protestat antiqeveritare.
/JavaNews/a.r
