Një numër i lartë muxhahedinësh iranianë kanë nisur të vijnë ditët e fundit drejt Shqipërisë, menjëherë pas vizitës së kryeministrit Edi Rama në Shtetet e Bashkuara të Amerikës.
Duket se Shqipëria ka zyrtarizuar marrëveshjen me SHBA për marrjen e grupit të muxhahedinëve që ndodhen në kampin “Liria” në Irak” dhe tashmë ata po vijnë të ndarë në grupe.
Janë mediat iraniane ato që e bëjnë të ditur këtë gjë, duke përmendur dhe emrat e muxhahedinëve që po zhvendosen drejt Shqipërisë. Sipas portalit “Nejat Society” janë 20 muxhahedinë që janë dërguar në Shqipëri, teksa pritet që në ditët në vijim të ketë grupe të tjera, referuar “Sot”.
Thuhet se Shqipëria do të marrë rreth 3 mijë muxhahedinë që ndodhen në Irak. Rama nga ana tij nuk e ka pranuar këtë gjë, por ishte Shtëpia e Bardhë që e bëri të ditur kur në Shqipëri ishte Sekretari i Shteti, Joh Kerry. (b.an)
