Nipi i ish bosit Kolumbian të drogës, Pablo Eskobar, ka gjetur një qese plastike me 20 milion dollarë të fshehur ne shtëpinë e xhaxhait të tij.
Nicolas Escobar, tha se pati një vegim, i cili i tregoi ku të kërkonte për paratë në apartamentin e ndodhur ne Medellin te Kolumbisë. Ai tha se nuk është hera e parë që gjen para në vende të cuditshme ku xhaxhai i tij fshihej nga autoritetet.
Çanta përmbante gjithashtu një copë ari, pajisje komunikimi, regjistrime, një makinë shkrimi, një stilolaps dhe një aparat fotografik me një film që nuk mund të zhvillohej.
Nicolas Escobar, i cili është krenar për marrëdhënien e tij me bosin e drogës, tha se ai tashmë kishte gjetur disa vende fshehjeje.
I akuzuar për rreth 6,000 vrasje, udhëheqësi i kartelit të drogës u vra në vitin 1993 kur ishte 44-vjeç në Medellin.
Eskobar ishte njeriu i shtatë më i pasur në botë në kulmin e pushtetit të tij. Pasuria e tij vleresohej në 30 miliardë dollarë në kohën kur vdiq, ekuivalente me 59 miliardë sot. Gjatë kohës që ishte ne krye te kartelit te Medellin ai kishte në kontroll mbi 80% të kokainës së eksportuar në SHBA.
Më shumë se 15 tonë kokainë thuhet se ishin kontrabanduar çdo ditë, duke mbledhur për Kartelin deri në 420 milion dollarë në javë.
Escobar ndërtoi ose bleu shumë shtëpi në Kolumbi, por Napoles ishte pasuria kryesore luksoze e tij.
Rezidenca përmbante një shtëpi koloniale, një park skulpturash dhe një kopsht zoologjik të plotë me kafshë duke përfshirë elefantë, hipopotamë, gjirafë dhe zogj ekzotikë.
Zbatimi i ligjit kolumbian erdhi më në fund kur Pablo Escobar u zbulua se fshihej në një lagje të klasës së mesme në Medellin.
Pas një përleshje me armë zjarri me policinë që po e ndiqte Escobar u përpoq të shpëtonte nëpër çatit e shtëpive por ai dhe truproja i tij u qëlluan dhe u vranë.
Trashëgimia e tij në Kolumbi është e diskutueshme, me shumë denoncojnë krimet e tij të tmerrshme ndërsa të tjerët e shohin atë si një figurë të stilit Robin Hood i cili siguroi shumë për të varfërit.
Thashethemet për sasi parash të lëna pas ose të fshehura vazhdojnë të qarkullojnë edhe sot./ Javanews
g.kosovari
