Pas anëtarëve të Forumit Rinor, kryetaret e degëve të Forumit të Gruas në Tiranë, mbështetëse të ish-kryeministrit Berisha, kanë mbërritur në ambientet e jashtme të selisë blu.
“Nina, hape Forumi i Gruas jemi!”- tha njëra prej tyre teksa po trokiste në derën anësore.
Në një prononcim për media ato u shprehën se kishin një takim pune në seli, por që nuk mund ta zhvillojnë dot për shkak se dyert janë të mbyllura. Ato u shprehën të zhgënjyera dhe theksuan se një situatë e tillë nuk ka ndodhur as në 97-ën kur Partia Demokratike u rrënua.
“Ne jemi Forumi i Gruas, kryetaret e Degëve të Tiranës, që kishim një takim pune në seli, por dyert na janë mbyllur. Ne kemi 30-vjet që hyjmë në seli.
Na ndodh kjo sot, që nuk na ka ndodhur as në vitin ’97 kur PD u rrënua. Na vjen keq që Lulzim Basha na ka vënë drynin”- u shpreh një prej kryetareve të degëve të Forumit të Degëve.
g.kosovari
