Deri në 43 për qind e mësuesve ngelin në provimin e licencimit për të vijuar punën në arsim.
Ministrja e Arsimit, Lindita Nikolla, shkruan se kjo është arsyeja se pse është ndërmarrë reforma në këtë drejtim, duke mbështetur me bursë nxënësit më të mirë.
Sipas ministres Nikolla studentëve të ekselencës do t’u zërohet tarifa e studimit në universitete dhe përveç kësaj do të mund të marrin një bursë studimi që kap shifrën e 1 mijë dollarëve në vit.
“Ja pse ndërmorëm reformën në mësuesi. Sepse gjatë gjithë këtyre viteve një përqindje shumë e lartë e studentëve të mësuesisë të dalë nga auditorët e universiteteve NUK KALONIN në provimin e licencës për mësues“, shprehet Nikolla në “Facebook”
Ajo bën me dije se viti 2018, është shpallur si viti i mësuesit, ku për herë të parë është vendosur nota mesatare 7 për studentët që duan të ndjekin studimet në këtë fushë.
a.ç
