Kryetari i Kuvendit, Ilir Meta, dhe ministrja e Arsimit, Lindita Nikolla, kanë marrë pjesë në ceremoninë e ndarjes së diplomave në Universitetin “Aleksandër Xhuvani”, në Elbasan.
“Duke kthyer sytë nga arsimi i lartë, japim garanci për Shqipërinë europiane. Shqipëria kërkon që brezi i ri të zhvillojë arritjet e tij e t’i përshtasë me tregun e punës. Arsimi duhet të jetë cilësor, ligji i ri ju afron me tregun e punës”, tha Nikolla.
Meta tha se vendi ynë është në një rrugë të rëndësishme drejt BE-së. “Reforma në arsim, rritje e cilësisë së nstitucioneve”, tha Meta.
