Sot dhe nesër, prokurorët dhe gjyqtarët do t’u drejtohen kutive të votimit për të zgjedhur qeverinë e gjyqësorit që është përkatësisht KLP dhe KLGJ. Ka nisur pas orës 08:00 regjistrimi i prokurorëve para se të hyjnë për mbledhjen nga ku do të zgjidhen 6 anëtarë të KLP-së.
Në prag të ngritjes së dy institucioneve të drejtësisë, zv.ambasadorja e SHBA, Leyla Mosses-Ones është takuar me ministren Etilda Gjonaj.
Në një postim në facebook, ambasada shkruan se mezi pret ngritjen e dy institucioneve te reja te drejtesise
Ministrja Etilda Gjonaj shkruan se ngritja e institucioneve të qeverisë se sistemit gjyqesor, vjen pas një pune të madhe dhe ndihmës së partnerëve ndërkombëtarë
“Ju jam mirënjohëse partnerëve dhe bashkëpunëtorëve që ja arritëm ditës së madhe të ngritjes të institucioneve te qeverisjes të sistemit të drejtësisë. Në dy ditët e ardhshme fjalën e kanë gjyqtarët dhe prokurorët për të treguar integritetin e tyre në përzgjedhjen e më të mirëve”, shkruan ministrja Gjonaj
a.çupaj
