Sektori për Punë të Brendshme në Kumanovë ka iniciuar padi penale ndaj dy personave që sot ngritën flamurin shqiptar në këtë qytet.
Dy personat (LL. S 17) dhe (L.K 21) që të dy nga fshati Sllupçan i Likovës, akuzohen për veprat “urrejtje ndëretnike” dhe “pengesë ndaj personit zyrtar”.
Njëri prej të dyshuarve është lënë i lirë ndërsa i dyshuari (L.K 21) do të mbahet nën arrest nga policia e Kumanovës.
Dje rreth orës 16:30, dy të rinj e kanë hequr flamurin e Maqedonisë nga shtylla që ndodhet në sheshin e qytetit të Kumanovës dhe në vend të tij kanë ngritur flamurin shqiptar.
Flamuri shqiptar për rreth 30 minuta valoi në vend të flamurit maqedonas, që më pas të hiqet nga shtylla, përgatiti Koha. (b.an)
