Në një postim në rrjetin social avokat Spartak Ngjela i është drejtuar me një mesazh Kryeministrit Rama, duke e pyetur se çfarë do të bëhet për vilat 1 milionë euroshe të ministrave të qeverisë Berisha në Lalëz. Ngjela shkruan se “shkallmimi i Berishës ishte vetëm një hap”, ndërsa tani shtrohet pyetja se kush do të kthejë moralitetin në vend, perëndimorët apo shqiptarët.
“Rama, befas, pas dy vjetësh, arriti më në fund të bënte edhe ai një fjalim në Parlament. Dhe kërë radhë kundër Saliut. Ia tha të gjitha, duke e mbyllur besoj përfundimisht abuzimin dhe gjënjeshtrën 25 vjecare Berisha.
Pasi e largoi nga pushteti para dy vjetësh, duket se e likuidoi ndërkaq, por… në të njejtën kohë, është çasti të pyetet:
çfarë do bëhet me abuzimin e mijëra hektarëve; me abuzimin e vilave prej 1 milonë eurosh të minsitrave të Berishës?
Do t’i sekuestrojë vilat; pallatet e Gjirit të Lalëzit, sipas provave që i kanë ardhur nga jashtë shtetit, për Saliun?
Dhe, a do të vendoset dot drejtësia për të gjithë abuzuesit në këtë vend, apo Rama do të mjaftohet me një fjalim parlamentar, e kaq?
Kjo është pasqyra reale e perspektivës.
Kush do ta vendosë moralitetin në kërë vend: perëndimorët, apo edhe shqiptarët? Që politika amerikane dhe ajo gjermane e kanë seriozisht shërimin e Shqipërisë, këtë tani e kanë mësuar të gjithë në Shqipëri; por, si do të vijojë politika, që gjithçka të fillojë nga e para?
Shkallmimi i Saliut ëshrë vetëm një hap; hapat e tjerë janë vendosja e moralitetit dhe e drejtësisë shoqërore në Shqipëri; kundër abuzimit të gjatë me pushtetin”, shkruan Ngjela në FB.
