Kryeministri Edi Rama dhe kreu i Kuvendit, Ilir Meta u takuan sot për rreth 1 orë në kryesinë e Kuvendit, dy ditë pasi lideri i LSI-së foli për krjimin e një qeverie besimi dhe zgjedhje vetëm me opozitën. Pak orë pas mbylljes së këtij takimi zbulohet edhe se për çfarë po flitet konkretisht. Spartak Ngjela, tregon për Panorama Online se çfarë propozimi konkret i ka bërë Meta Ramës.
“Sipas burimeve të mia, Meta kërkon ministrin e Brendshëm, Drejtorin e Përgjithshëm të Policisë së Shtetit dhe Presidentin që opozita të dalë nga çadra dhe të rikthehet në Kuvend. Meta i ka thënë Ramës që nëse LSI merr këto poste, opozita del nga çadra”, thotë Ngjela. Megjithatë sipas tij, posti i ministrit të Brendshëm, është shumë i rëndësishëm dhe Rama nuk mund ta japë te aleati kryesor pa u konsultuar më parë.
“Po a e di Meta që të marrë ministrin e Brendshëm, duhet të pyesë aleatët e mëdhenj, sidomos Uashingtonin?”, pyet Ngjela.
ma.me
