Reforma antikorrupsion në Shqipëri, kthimi i Ramush Haradinajt në Prishtinë dhe patriotizmi i ri shqiptar, janë tre ingredienët e ristrukturimit të Arbërisë së Re.
Kështu e nis një analizë mbi situatën e fundit mbi faktorin shqiptar në Ballkan avokati Spartak Ngjela. Ai thotë se “Reforma antikorrupsion në Shqipëri, kthimi i fortë i Ramush Haradinajt në Prishtinë, dhe, patriotizmi i ri shqiptar, janë tre ingredienët e ristrukturimit të Arbërisë së Re.”
“Shqiptarët kanë 100 vjet që po jetojnë në një shtet amoral që iu ka marrë frymën”, ndërkohë Spartak Ngjela sheh se SHBA dhe BE po vënë nën shina Shqipërinë dhe faktorin shqiptar në Ballkan, për të ndërtuar një shtet normal, siç e kanë dashur Rilindasit tanë mbi 100 e ca vjet më parë.
Analiza e plotë nga Spartak Ngjela
Reforma antikorrupsion në Shqipëri, kthimi i fortë i Ramush Haradinajt në Prishtinë, dhe, patriotizmi i ri shqiptar, janë tre ingredienët e ristrukturimit të Arbërisë së Re.
l.
Shqipëria është në Reformë radikale antikorrupsion, duan apo nuk duan kundërshtarët shekullorë të saj.
Reforma antikorrupsion në Shqipëri, kthimi i fortë i Ramush Haradinajt në Prishtinë, dhe, patriotizmi i ri shqiptar, janë tre ingredienët e ristrukturimit të Arbërisë së Re në Tiranë. Dhe ajo tani ka nisur nën drejtimin e politikës amerikanë dhe të Bashkimit Europian.
Europianizimi tërësor i botës shqiptare në Ballkanin Perëndimor është nevojë e politikës perëndimore, dhe kjo sigurisht që kërkonte një reformë. Pikërisht këtu qëndron arsyeja që Reforma antikorrupsion u struktura konstitucionalisht nga politika amerikane. Kjo është një reformë për drejtësinë shqiptare, e cila ka qene e nëpërkëmbur në një shekull rresht nga sunduesit e Shqipërisë. Kjo është arsyeja që ka sjellë me vete edhe një rënie të patriotizmit shqiptar, sidomos në këta pesëmbëdhjetë vjetët e fundit. Prandaj, menjëherë pas saj, do të fillojë të rivlerësohet patriotizmi i ri shqiptar në të gjithë Shqipërinë ballkanike.
Ky patriotizëm do të vijë në ngjitje në Shqipëri, patjetër, dhe si një refleks real i moralitetit të vendosur nëpërmjet drejtësisë shoqërore në shtetin shqiptar.
Shqiptarët kanë 100 vjet që po jetojnë në një shtet amoral që iu ka marrë frymën. Por tani, të gjithë shqiptarët e kësaj zone janë në hapat e progresit të tyre bashkues si etni shqiptare me personalitet.
ll.
Shqiptarët i bëjnë të gjitha vetë, por ata duan drejtësi. Kjo ka qenë e vërteta për Shqipërinë dhe shqiptarët. Drejtësinë shqiptarëve ia kishte varrosur korrupsioni banal që i ka sunduar ne një shekull rresht. Reforma që po fillon, do të mbyllë gjithçka negative.
Me anë të kesaj reforme, shqiptarët do ta rifitojnë atdheun e tyre, madje edhe të bashkuar. Shumë shpejt, keni për të parë që do të nisë të spikasë realisht patriotizmi i munguar shqiptar, i cili sigurisht që do të vijë e të bëhet tharmi real i bashkimit kombëtar shqiptar, menjëherë sapo shqiptarët të kenë në Tiranë shtetin e tyre të drejtë dhe të moralshëm.
Në historinë e çdo shteti ka një element që është faktor vendimtar për të ardhmen e tij – ky është patriotizmi.
lll.
Duhet ta kuptojmë qartë se patriotizmi krijon karakterin kombëtar të një shoqërie, dhe kontrollin real të një shteti. Por, na duhet të theksojmë se patriotizmi shqiptar ka veçorinë e vet të një vlere të madhe, sepse ai në rastin e Shqipërisë vjen nga Rilindja Kombëtare..
Në Shqipërinë e sotme patriotizmi, nuk mund të thuhet se mungon, por nuk është në lartësinë që i duhet një kombi modern.
Në fakt, janë abuzimet me pushtetin nga liderë të korruptuar dhe antikombëtare, ata që e kanë sjellë gjendjen në këtë pikë. Prandaj, kjo është arsyeja që patriotizmi shqiptar është më i gjallë dhe në lartësi te emigracioni shqiptar në Perëndim, por dhe në Kosovë. Ai shpejt do të rikrijohet edhe në Shqipëri.
Dhe është pikërisht kjo që i ka shqetësuar shumë fqinjët tanë pushtues territoresh shqiptare. Kjo ka shqetësuar edhe korrupsionin e brendshëm shqiptar të të gjitha rangjeve, i cili sot është hedhur në një ndërmarrje antikombëtare duke kërkuar ndihmë sa në Moskë dhe në Beograd, apo në Stamboll.
Në të njëjtën kohë duhet të kuptojmë se fqinjët tanë pushtues, si ngaherë do t’i akuzojnë shqiptarët për nacionalizëm. Por patriotizmi shqiptar që vjen nga Rilindja Kombëtarë asnjëherë nuk ka qenë nacionalizëm.
Rilindasit shqiptarë janë gjithashtu ideatorët e parë të mëdhenj në rrafsh botëror që patriotizmin shqiptar e kalitën dhe e ngritën në një pozicion mbi fetar. Gjykimi i tyre sot, që është i shenjtë për shqiptarët se “feja e shqiptarit është shqiptaria”; është unik në botë, prandaj i jep historisë sonë kombëtare një vlerë unike në historinë e qytetërimit modern, në lidhje me patriotizmin. Sot për sot, vetëm shqiptarët janë të kalitur me idenë patriotikë se feja është atdheu, domethënë shqiptaria.
Prandaj asnjëherë patriotizmi shqiptar nuk ka qenë nacionalizëm; por patriotizëm i kulluar me tolerancë të pashembullt fetare dhe drejt shenjtërimit të atdheut.,
IV.
Ja si e bën dallimin filozofik mes patriotizmit dhe nacionalizmit, shkrimtari i madh George Orëell, në esenë e tij të famshme, të titulluar, “Shënime mbi Nacionalizmin”. Ai thekson se:
“ Me patriotizëm unë kuptoj devocion për një vend të veçantë dhe me një mënyrë të veçantë jetese, të cilin një individ e beson se është vendi më i mirë në botë… Nacionalizmi, në të kundërt, është i pandashëm nga dëshira për pushtet. Qëllimi i palëkundur i çdo nacionalisti është që të sigurojë shumë pushtet dhe prestigj, jo për veten, por për kombin ose shtetin në të cilin ai zgjedh, që, i zhytur në të, të humbasë kështu individualitetin e vet”.
E pra; një i tillë ka qenë gjithmonë patriotizmi shqiptar, ai i cili, pasi na është dhuruar nga Rilindja Kombëtare, tani po pritet të marrë trajtën e vet të iluminuar për të zhvilluar të gjithë botën shqiptare në Ballkanin Perëndimor, e cila është vetë Arbëria e Re.
