Katër egjiptianë, anëtarë të një familjeje, vdiqën sot kur një ndërtesë u shemb në një lagje të klasës punëtore të Kajros, në një zonë ku një ndërtesë tjetër u shemb dy muaj më parë.
Pesë persona u plagosën gjithashtu kur ndërtesa katërkatëshe u shemb në lagjen Hadayek al-Koba, një zonë me popullsi të dendur në veri të qendrës së Kajros.
Më 17 korrik, 13 persona, përfshirë të paktën shtatë anëtarë të një familjeje, humbën jetën nga shembja e një ndërtese pesëkatëshe në këtë lagje. Shumë ndërtesa janë shembur vitet e fundit në Egjipt, duke rezultuar në shumë vdekje dhe lëndime, për shkak të vjetërsisë së ndërtesave si dhe mospërputhjes me legjislacionin në nivel urbanistik.
Edhe pse ky lloj shkatërrimi po ndodh në qytete të tjera egjiptiane, situata është veçanërisht alarmante në kryeqytet, qyteti i dytë më i populluar në Afrikë me më shumë se 20 milionë banorë./m.j
