15 persona janë shoqëruar në polici pas një konflikti mes të rinjve në zonën e ish-Bllokut në Tiranë, ku janë përdorur edhe armët e zjarrit.
Sipas policisë, konfliktin në rrugën “Brigada e 8” ka ndodhur rreth orës 01:05 të natës.
Si pasojë e konfliktit ka mbetur i dëmtuar 27-vjeçari Erlis Duka, i cili nuk ka dëmtime me armë zjarri, por nga goditje të dyshuara me grushte.
Ai është dërguar për ndihmë mjekësore dhe më pas është arrestuar për “Moskallëzim Krimi”.
Sipas policisë, gjatë konfliktit njëri prej shtetasve të përfshirë në konflikt ka qëlluar me armë zjarri në ajër dhe si provë materiale janë gjetur dy gëzhoja.
Grupi hetimor po punon për zbardhjen e plotë të rrethanave të ngjarjes, identifikimin dhe kapjen e autorëve.
a.ç
