Shtetet e Bashkuara të Amerikës, përmes ambasadës në Maqedoni ka shprehur keqardhje për jetët e humbura të njerëzve në Kumanovë si rezultat i konfliktit të armatosur që në orët e para të mëngjesit. Në reagimin e saj ambasada e SHBA në Maqedoni thekson se po ndjek me vëmendje gjithë situatën, ndërsa u bëhet thirrje qytetarëve të qëndrojnë të qetë.
“Shprehim keqardhje të thellë për humbjen e jetëve të njerëzve në aksionin policor në Kumanovë, dhe shprehim ngushëllimet tona familjeve të policeve dhe civilëve te vrarë dhe të plagosur. Po e përcjellim situatën dhe jemi ne kontakt te vazhdueshëm me autoritetet dhe liderët politik. Bëjmë thirrje tek qytetaret të qëndrojnë te qetë dhe të lejojnë te zbardhen faktet”, thuhet në deklaratën e SHBA
Edhe delegacioni i Bashkimit Evropian është duke ndjekur me kujdes të dhënat dhe raportet lidhur me aksionin policor që po ndodh në Kumanovë. Nga ana e saj zyra e BE kerkon qetesim te situates dhe jo degradim te saj.
“Jemi në kontakt me autoritet dhe me partitë politike. Fuqishëm apelojmë deri tek të gjithë qytetarët dhe faktorët politik që të qëndrojnë të qetë dhe të presin që qeveritarët relevant të tregojnë faktet dhe të sqarojnë atë që po ndodh. Shpresojmë që do të shmanget eskalimi i tensioneve”, thuhet në reagimin e Delegacionit të BE-së.
Redaksia Online
(JavaNews.al)
