Fillimisht ngjarja u raportua si një skenë krimi, ku ishin plagosur dy persona Asllan Kërtusha dhe Blendi Kajno, por pas hetimeve të policisë ka rezultuar se ka qenë një sherr midis këtyre të dyve ai që ka sjellë dhe vdekjen e 30 vjeçarit Kërtusha.
Në fillim u raportua se këta dy shtetas ishin qëlluar nga persona të pNaidentifikuar, mirëpo nuk është kështu.
Blendi Kajno 34 vjeç dhe Asllan Kërtusha, 31 vjeç gjendeshin në të njëjtin lokal, në Lagjen nr. 17 të qytetit të Durrësit. Papritmas ata kanë nisur një konflikt verbal mes tyre, me motive banale. Konflikti degjeneroi deri në përdorimin e armëve të zjarrit.
Konflikti kishte si motiv nxjerrjen nga lokali të Asllan Kërtushës.
Blendi Kanjo i erdhi në ndihmë pronarit të lokalit dhe nisi të konfliktohej me Kërtushën. Më pas, ai dhe Kanjo kanë dalë jashtë lokalit për t’u “sqaruar”, mirëpo Kërtusha ka nxjerrë pistoletën dhe ka qëlluar ndaj Kanjos.
Ky i fundit ka rënë në tokë i plagosu. Ndërsa ndaj Kërtushës mësohet se ka qëlluar pronari i lokalit, duke e plagosur rëndë.
Policia e ka shpallur në kërkim atë menjëherë, ndërsa Kajno, i plagosur lehtë mësohet se është marrë në pyetje për ngjarjen.
