Një grua rreth të 70-ave ka vdekur pasi u sulmua nga një qen në qytezën e Bedëorth në Britaninë e Madhe.
E moshuara vdiq në rrugën “Kathleen Avenue”, pas sulmit nga qeni.
Në lidhje me ngjarjen u arrestuan një burrë i moshës 52 vjeç dhe një grua, 49 vjeç, nën dyshimin se zotëronin racën e qenit që ndalohej të lihej i lirë dhe pa mask mbrojtëse.
Policia e Warwickshire bën me dije se qeni është kapur dhe nuk përbën rrezik më për komunitetin.
Gruaja e arrestuar u dërgua në spital dhe u trajtua për dëmtimin e shkaktuar nga qeni. Ajo u përpoqë që të ndalonte sulmin e qenit të saj ndaj të moshuarës. Lëndimi i saj nuk mendohet të jetë kërcënues për jetën.
Policia ka lajmëruar për një prani të shtuar të policisë përreth zonës, ndërsa hetimi në lidhje me ngjarjen është duke u zhvilluar.
“Ky ishte një incident i izoluar dhe tragjik. Fatmirësisht sulmet e qenve të kësaj natyre janë jashtëzakonisht të rralla, por janë thellësisht shqetësuese për komunitetin lokal”, deklaroi policia./m.j
