“Krimi” i vajzës së re irakiane, Timba al-Ali , ishte të linte shtëpinë e saj dhe të vendosej në Turqi, por babai i saj nuk mundi ta pranonte këtë vendim të vajzës së tij, një yll i YouTube, dhe e vrau me duart e tij.
Në të njëjtën kohë, ka pasur burime që kanë raportuar se 22-vjeçarja irakiane është ankuar se është sulmuar seksualisht nga vëllai i saj dhe për këtë arsye ka vendosur të largohet nga vendi i saj.
Shtypi ndërkombëtar po flet për një “krim nderi” , duke komentuar se vrasja e vajzës së re nga duart e babait të saj ka shkaktuar zemërim në Irak, ndërsa në rrjetet sociale është tema qendrore e diskutimit.
Grupet e të drejtave të njeriut po bëjnë thirrje për protesta nesër me organizatorët që thonë se ata po kërkojnë drejtësi dhe fajtorët të ndëshkohen.
Vajza fatkeqe dha frymën e fundit më 31 janar në provincën jugore të Digoaniya , siç njoftoi përfaqësuesi i Ministrisë së Brendshme të Irakut, Saad Maan, në një postim në Twitter.
