Kreu i diplomacisë europiane Josep Borrel ka biseduar këtë të mërkurë me presidentin e Kosovës Hashim Thaçi e me atë serb Aleksandar Vuçiç, ku ka theksuar nevojën e rifillimit te dialogun.
Borrel u ka bërë thirrje liderëve të partive politike në Prishtinë që të zgjidhin sa më parë krizën dhe të formojnë qeverinë e re.
Presidenti Thaçi nga ana tjetër i ka kërkuar zyrtarit të lartë që Bashkimi Europian të përmbushë detyrimin për heqjen e vizave për qytetarët e Kosovës, pasi janë përmbushur të gjitha kriteret. Javën e ardhshme Borrel do të vizitojë Prishtinën dhe Beogradin./e.s/
