ndividët, Bizneset por dhe institucionet morën më pak kredi në fundvit. Banka e Shqipërisë bën të ditur se kredia e re për ekonominë në muajin nëntor arriti në 24.4 miliardë lekë, duke shënuar një rënie me 9.3%.
24.4 miliardë lekë është ndër nivelet më të ulëta të kredisë në vitin, si një tendencë e fundvitit. Përgjatë këtij viti niveli më i larte u arrit gjatë tr.2 dhe tr.3 të vitit si një rigjallërim i kërkesës së bizneseve por dhe individëve.
Por në terma vjetor kredia e re ka shënuar rritje. Në 11 muaj ky tregues arriti në rreth 332 miliardë lekë.
Ndonëse kanë marrë më pak kredi, shqiptarët vijuan të kursejnë. Stoku i depozitave arriti në 794 miliardë lekë me një rritje 7% krahasuar me të njëjtën periudhë të një viti më parë dhe 0.5% me tetorin.
Ndërsa kursimet në euro shënuan një ngadalësim përgjatë muajve të fundit të vitit ndërsa u rritën me një vit më parë.
Të dhënat tregojnë se depozitat me afat 2 vjet janë më të përzgjedhurat nga individët dhe më pak ato me 3 muaj.
Në terma mujor stoku i depozitave ka shënuar rënie ndërsa krahasuar me një vit më parë treguesit janë në rritje duke arritur në 1.33 trilionë lekë.
