Një ngjarje e rëndë ka ndodhur mesditën e sotme në sheshin “Skënderbej” ku një 39-vjeçar ka ngacmuar seksualisht një vajzë dhe më pas e ka goditur atë me grushte.
Policia bën me dije se 39-vjeçari me iniciale S.M. është arrestuar nga policia. Ai kishte qenë i dënuar më parë për vrasje ndërkohë që tre ditë më parë ka sulmuar edhe një tjetër person në po të njëjtën zonë të kryeqytetit dhe i ka marrë atij celularin.
Njoftimi i policisë
Ngacmoi seksualisht një vajzë në sheshin “Skëndërbej” dhe e goditi me grushte! Arrestohet 39-vjeçari, i dënuar më parë për vrasje
Ngacmoi seksualisht dhe dhunoi një shtetase, kapet dhe vihet në pranga nga shërbimet e Komisariatit të Policisë Nr. 3., 39-vjeçari, i dënuar më parë për vrasje.
Shërbimet e Komisariatit të Policisë Nr. 3, pas marrjes së njoftimit se në sheshin “Skënderbej”, një shtetas kishte ngacmuar seksualisht një shtetase dhe e kishte goditur atë me grushte, menjëherë kanë organizuar punën për kapjen e tij.
Brenda pak minutave, nga shërbimet e Komisariatit të Policisë Nr. 3, është bërë kapja dhe arrestimi në flagrancë i shtetasit S. M., 39 vjeç, për veprat penale “Ngacmimi seksual” dhe “Dëmtime të tjera me dashje”.
Nga veprimet e mëtejshme hetimore ka rezultuar se ky shtetas, më datë 11.07.2022, në sheshin “Skënderbej”, ka goditur me grushte A. D. dhe më pas i ka marrë me dhunë aparatin celular.
Materialet i kaluan Prokurorisë, për veprime të mëtejshme procedurale.
/a.r
