Jetët tona po vihen në rrezik nga ajri i ndotur brenda shtëpisë tonë, që shkaktohet nga çdo gjë, duke filluar nga freskuesit e ajrit, e deri tek qirinjtë aromatik.
Ky paralajmërim vjen nga një studim i kryer nga ‘Royal College of Physicians dhe Royal College of Paediatrics dhe Child Health”, transmeton lajmi.net
Rreziku nga ajri i ndotur në rrugë për shkak të veturave të shumta, veçse është i ditur nga të gjithë, mirëpo shumë njerëz janë injorant nga rreziqet e ajrit të ndotur brenda shtëpisë.
Një raport nga ‘Every Breath We Take’, paralajmëron që 40,000 vdekje në vit në Britani të Madhe, mund të lidhen me efektet e ajrit të ndotur brenda dhe jashtë shtëpisë onë.
Sipas raportit thuhet se “ajri i ndotur brenda shtëpisë mund të ketë shkaktuar apo ka kontribuar për vdekjen e 99,000 njerëzve në Evropë, vetëm për një vit”, transmeton lajmi.net.
Ata sugjerojnë që produktet e përditshme, si sprejët e mizave, freskuesit e ajrit, deodorantët, si dhe produktet e pastrimit kontribuojnë për një kualitet të dobët të ajrit brenda shtëpisë.
Sprejët që mbahen në shtëpi kanë përbërje të kimikaleve si ‘VOCS’, ose ndryshet quhet limonene, e që më së shumti përdoret në freskuesit e ajrit dhe qirinjtë aromatik.
Është shumë i dëmshëm nëse gëlltitet dhe mund të shkaktoj djegie në sytë tonë, e irriton lëkurën, inicion kollitjet, e gjithashtu mund të jetë shkaktar i kancerit në fyt dhe hundë.
Raporti tregon se fëmijët dhe të moshuarit janë më të ndjeshmit nga ajri i ndotur, mirëpo ajri i ndotur i prekë njerëzit e të gjitha moshave dhe ka efekt tek të gjithë, edhe pse jo të njëjtë, raporton lajmi.net.
Hulumtimet e ndryshme bëjnë të ditur që ajri i ndotur ka shkaktuar qindra mijëra vdekje të të moshuarve përmes sulmeve në zemër, e gjithashtu ajri i ndotur ndikon edhe në aftësinë e mësimit tek fëmijët.
