Në fjalimin e saj të parë kryesor të fushatës presidenciale, Melania Trump, bashkëshortja e kandidatit republikan Donald Trump, do t’u tregojë votuesve rreth jetës së saj në Slloveni dhe çfarë ajo shpreson të arrijë si Zonjë e Parë nëse i shoqi zgjidhet President më 8 Nëntor.
Menaxherja e fushatës së Trumpit, Kellyanne Conway tha në një intervistë të mërkurën për televizionin amerikan ABC se Zonja Trump do flasë për jetën e saj në SHBA dhe jetën e saj në Slloveni, vendin ku ajo u rrit, dashurinë që kishte për Amerikën kur ishte fëmijë, faktin që ajo dëshironte të bëhej amerikane dhe priti 10 vjet për të emigruar. “Ajo ka shkruar një fjalim të bukur dhe është një person i mrekullueshëm. Mendoj se njerëzit janë shumë kureshtarë të dëgjojnë rreth jetës së saj,” shtoi Kellyanne Conway. Melania Trump do të mbajë fjalimin e saj në Pensilvani të enjten, pesë ditë para zgjedhjeve presidenciale.