Shqipëria do ta nisë rrugëtimin e saj në Gjermani 2024 më 15 qershor me përballjen kundër Italisë, kampiones në fuqi të Europës.
Sfida do të luhet në orën 21:00, në stadiumin “BVB Stadion Dortmund”.
Ky është një nga impiantet më ë nohur në botën e futbollit falë tribunës së “Murit të verdhë” ku qëndrojnë ultrasit e Borusia Dortmund, e ku janë luajtur ndeshje të rëndësishme ndërkombëtare.
Katër ditë më pas, më 19 qershor kuqezinjtë do të luajnë ndeshjen e dytë të Europianit kundër Kroacisë në orën 15:00, në stadiumin “Volksparkstadion” të Hamburgut me kapacitet 49 mijë persona, ku në 2010 u luajt finalja e Europa Ligës.
Sfidën e fundit në Grupin B, Shqipëria do ta luajë ndaj Spanjës më datë 24 qershor në stadiumin “Dusseldorf Arena” në orën 21:00. Impianti ka një kapacitet prej 47 mijë vendesh.
/a.r
