Kryeministri Edi Rama ka ndarë në rrjetet sociale pamje nga pasuritë turistike të Dropullit, të cilat sipas tij më shumë se destinacione për vizitorë. Duke promovuar atraksionet turistike të vendit, kreu i qeverisë shprehet se qyteti antik i Adrianopolit në Sofratikë, kishat historike si ajo e Lindjes së Virgjëreshës dhe monumente natyrore si Ujëvara e Selckës përfaqësojnë udhëtime kulturore që të rrëmbejnë në thellësitë e historisë dhe bukurive natyrore.
“Pasuritë turistike të Dropullit nuk janë thjesht atraksione për t’u vizituar, por janë udhëtime kulturore që të rrëmbejnë nën rrënojat e historisë në qytetin antik të Adrianopolit në Sofratikë, nën kupolat magjepsëse të kishave si ajo e Lindjes së Virgjëreshës, si dhe mes peizazheve unike, ku natyra ka skalitur monumente të gjalla si Ujëvara e Selckës”, shkruan Rama në Facebook.
(A2 Televizion)
