Kryeministri Edi Rama, ka treguar një shembull, sesi një familje, përmes mbështetjes së qeverisë, ka mundur që të ngrejë një biznes, aty ku mundësitë janë të pakta.
Rama shkruan se në mes të një bukurie magjepsëse, një ngrehinë e vjetër mbijetese, është kthyer në një agroturizëm fitimprurës, nga Jaho Xhebro e familja e tij.
Bëhet fjalë për në Nivicë, ku Xhebro, pas mbështetjes së qeverisë, ka ngritur biznesit e tij, e tani do të jenë vizitorët vendas e të huaj që marrin rrugën deri atje, për të shijuar natyrën e mrekullueshme dhe ushqimet bio të zonës.
“SHQIPËRIA QË NUK BËN LAJM NË MEDIA është një vend ku punohet, prodhohet, eksportohet, zhvillohet ekonomia e familjeve që i përkushtohen të ardhmes, duke e nxjerrë fitimin nga puna edhe aty ku duket sikur s’ka asnjë mundësi.
Ja një nga shumë e shumë shembujt e kurajos, besimit dhe punës së ndershme, në majë të maleve e në mes të një bukurie magjepsëse, ku një ngrehinë e vjetër mbijetese, sapo është kthyer në një agroturizëm fitimprurës, nga Jaho Xhebro e familja e tij, me mbështetjen e qeverisë shqiptare, përmes Agjencisë së Zhvillimit Bujqësor e Rural
Tanimë nuk është më kjo familje që duhet të gjejë rrugët e pamundura për të nxjerrë prodhimet e pakta në treg, po janë vizitorët vendas e të huaj që marrin rrugën deri atje, për të shijuar natyrën e mrekullueshme dhe ushqimet bio të zonës, duke thithur ajrin e pastër të Nivicës”,-shkruan kryeministri Edi Rama.
g.kosovari
