Pas një aksioni intensiv nga Forcat e Armatosura dhe nga struktura të tjera shtetërore është bërë i mundur pastrimi i sipërfaqes së liqenit të Fierzës në Kukës, i ndotur nga mbetje plastike dhe organike.
Pas ndërhyrjes nga Forcat e Armatosura dhe Forcat e Ndërhyrjes së Shpejtë nën drejtimin e Prefekturës Kukës është bërë i mundur pastrimi i sipërfaqes së liqenit, ndërsa mbetjet janë grumbulluar në 2600 thasë plastikë të cilët janë larguar nga bashkia e qytetit të Kukësit.
Në operacion u angazhuan 18 forca me 3 gomone nga Reparti i Ndërhyrjes së Shpejtë (FNSH) i Shkodrës dhe 12 forca me 3 varka nga Forcat e Armatosura.
