Qeveria shqiptare synon ndërhyrjen në infrastrukturën turistike të aventurës.
Përmes Fondit Shqiptar të Zhvillimit do të investohetpër ndërtimin e 8 zipline-ve si dhe 2 shtigjeve për ngjitje në zona shkëmbore me instalime hekuri.
Konkretisht do të projektohet dhe ndërtohet zipline në Kullën 360° në Divjakë, në liqenin e Roshnikut, Berat, në liqenin e qytetit të Belshit, në Eco Park Dumrea, Belsh, në liqenin e Funarit, Elbasan, në liqenin e Gjelbër, Lalëz, në Valbonë, Bajram Curri, në Voskopojë, Korçë dhe Via Ferrata në fshatin Buronja, Kuç, në bashkinë e Vlorës dhe në kanionin e plazhit të Gjipese.
Implementimi i projekteve të urave, zipline-ve dhe via ferrata-ve në Shqipëri synon të krijojë një infrastrukturë turistike të klasit të parë që kontribuon në zhvillimin ekonomik dhe social të rajoneve përkatëse, rrit atraktivitetin e vendit si destinacion turistik dhe promovon praktika të qëndrueshme për ruajtjen e mjedisit.
Këto përpjekje do të ndihmojnë Shqipërinë të pozicionohet si një nga destinacionet kryesore për turizmin aventurier, duke ofruar përvoja të veçanta dhe të sigurta për të gjithë vizitorët.
Fondi i vënë në dispozicion nga FSHZH është 166.6 milionë lekë.
/a.r
