Tre persona janë arrestuar dhe një tjetër është shpallur në kërkim pasi akuzohen për grabitjen e disa banesave në Ksamil të Sarandës.
Në pranga të Policisë kanë përfunduar Nderim Ndreca dhe Hile Memehaj, të dy nga Gjakova. Ndërsa në kërkim është shpallur Getoar Mulliqi, gjithashtu nga Kosova.
Përveç dy të arrestuarve nga Kosova, Policia i ka vënë prangat edhe një pronari hoteli në Ksamil, Vangjel Pella, i cili dyshohet se ishte “koka” e organizimit të grabitjeve në zonë.
Pella strehonte të tre grabitësit e tjerë në hotelin e tij dhe madje ai përzgjidhte edhe vendet se ku ato do të vidhnin.
Ky është edhe Vangjel Pella, i cili ishte edhe koka e grupit që përcaktonte vendet që do të vidheshin dhe strehonte grabitësit nga Kosova.
Të gjithë shtetasit janë me precedentë të mëparshëm penale.
Sipas policisë kjo bandë është konsideruar një ndër më të rrezikshmeve për grabitje.
Ndërsa pronari i një prej banesave të grabitura thotë se janë vjedhur brenda një jave 4 benesa, ku janë marrë orendi, para dhe bizhuteri.
