Kanë kaluar rreth dy vite që kur koronavirusi pushtoi jetën tonë, duke përmbysur çdo aktivitet njerëzor. Edhe sot, përkundër faktit se 233 milion njerëz në të gjithë botën janë infektuar dhe miliona kanë humbur jetën për shkak të pandemisë përkatësisht 4.7 milion, virusi i frikshëm ka ende shumë të panjohura që ende nuk i dimë.
Padyshim, shkenca ka bërë hapa të mëdhenj në trajtimin e COVID-19 dhe veçanërisht në parandalimin e tij, me zhvillimin kryesor të vaksinave efektive dhe të sigurta. Sidoqoftë, ka shumë gjëra që ne ende nuk dimë për SARS-CoV-2, veçanërisht se si ndikon në trupin tonë. COVID nuk është vetëm një infeksion i frymëmarrjes, por një sëmundje multisistemike.
Një vëzhgim i rëndësishëm që befasoi ekspertët është se pacientët me COVID të cilët ishin krejtësisht të shëndetshëm papritmas zhvilluan diabet. Ekzistojnë disa teori për fenomenin paradoksal.
Njëra prej tyre supozon se koronavirusi, përmes receptorëve ACE2, të cilët gjithashtu ndodhen në sipërfaqen e qelizave të mushkërive, pushton qelizat e pankreasit, duke dëmtuar aftësinë e tyre për të prodhuar insulinë. Një hipotezë e ndryshme sugjeron që inflamacioni i shkaktuar nga COVID rrit rezistencën e indeve ndaj insulinës, raporton abcnews.al
Sipas një hulumtimi për lidhjen mes Covid-19 dhe diabetit, Swinbin Chen, një profesor i Biologjisë Molekulare në Shkollën Mjekësore Weill Cornell në Nju Jork, studioi lidhjen misterioze mes Covid-19 dhe diabetit.
Hulumtimi mbi qelizat dhe organelet (grupet qelizore që rriten në laborator dhe imitojnë funksionin e një organi) i lejoi të identifikojë se cili nga organet e trupit tonë mund të infektohet me koronavirus. Kështu, ai zbuloi se organelet, dhe për këtë arsye organet e mushkërive, zorrëve, zemrës, mëlçisë dhe pankreasit, preken nga koronavirusi, ashtu si edhe qelizat e trurit që prodhojnë dopamine.
Hulumtimet e mëtejshme kanë treguar se e njëjta gjë vlen edhe për qelizat beta në pankreas, të cilat janë përgjegjëse për prodhimin e insulinës. Kur kjo ndodh, pankreasi prodhon më pak insulinë dhe hormone të tjera, raporton abcnews.al
Ende nuk është e qartë nëse ndryshimet e shkaktuara nga COVID-19 në pankreas janë afatshkurtra apo të përhershme. Sipas një studimi nga Francesco Dotta, një profesor në Universitetin e Sienës në Itali, zbuloi se koronavirusi infekton qelizat beta të pankreasit duke synuar receptorët e proteinave në gjak.
Është zbuluar gjithashtu se nivelet e receptorëve ACE2 rriten gjatë inflamacionit, gjë që është e rëndësishme sepse njerëzit me diabet të tipit 2 tashmë kanë inflamacion në pankreas. Të gjitha zbulimet shkencore arrijnë në një përfundim: njerëzit që zhvillojnë “para-diabet” ose kanë tashmë sëmundje metabolike janë më të rrezikuar ndaj COVID.
g.kosovari
