Deputetja thotë se hedhja e gazit lotsjellës në Kuvend, e ka ngarkuar me një urdhër-arrest nga Policia e Kosovës, për të cilin ajo thotë se ende personalisht nuk e ka parë. Nga 17 nëntori, Policia e Kosovës e ka shpallur në kërkim.
Nga ana tjetër ajo rrëfen se sa të shpeshta kanë qenë takimet e saj me policë, të cilët përveç buzëqeshjes dhe uratës për rrugë të mbarë asgjë më shumë nuk i kanë thënë. E arratisur ajo vazhdon të shfaqet në disa prej tubimeve të subjektit politik që i takon. Edhe pse është deputete në Kuvendin e Kosovës, besimi i saj në organet e drejtësisë është i barabartë me zero. “Nuk dorëzohem” është fjala që shpesh e përsëritë.
