Kantonet malore të Zvicrës janë pionere në shkollat e barinjve, të ngritura vitet e fundit me qëllim rijetëzimin e natyrës dhe sektoritë të bujqësisë, barinjtë e ardhshëm trajnohen si në teori dhe në praktikë për rritjen e dhenve në programe serioze shkollore, të cilat ndahen në kurse një dhe dy-vjeçare për të gjithë barinjtë e ardhshëm të vendit.https://wilderness-society.org/setting-an-example-in-modern-shepherd-training/
Italia, nga ana tjetër ka krijuar një Shkollë Kombëtare të Barinjve në vitin 2021 përmes Këshillit për Kërkim në Bujqësi dhe Ekonomi Agrare, ndërsa Franca ka tre institucione që trajnojnë barinjtë mbi gjithçka u duhet të dijnë për rritjen e dhenve, kullotjen, terrenet e përshtatshme dhe qentë e stanit.https://www.euromontana.org/en/pastoral-schools-on-the-rise-italy-welcomes-the-scuola-nazionale-di-pastorizia/
Greqia ka programe trajnimi për barinjtë, të cilat janë ngritur në bashkëpunim me Shkollën Amerikane të Fermerëve, ndërsa Spanja ka krijuar projekte trajnimi me mbi 500 orë mësimore për të gjithë fermerët, si në provincën e Katalanjës, ashtu edhe në Andaluzi.
Nisma më e re për trajnimin e barinjve në Katalanjë ka programe të veçanta për nxitjen e përfshirjes më të gjerë të grave dhe vajzave në aktivitetet blegtorale.https://enrd.ec.europa.eu/projects-practice/andalusian-shepherd-school-2017_en
Në vendet anglishtfolëse si Britania e Madhe, Shtete e Bashkuara të Amerikës, Kanadaja dhe Australia kurset profesionale të rritjes së dhenve nuk janë asgjë e re. Britania dhe Kanadaja kanë secila nga rreth 50 programe specifike për fermat e kafshëve, blegtorinë, kullotjen dhe transportin e kafshëve për prodhim.
Vetëm Australia ofron mbi 100 programe për blegtorët, barinjtë, rritësit e kafshëve për prodhim dhe shumë më shumë programe të tjera për bujqësinë në universitetet kryesore të vendit.
Në SHBA programe për blegtorinë, bujqësinë dhe menaxhimin e fermave të dhenve e kafshëve të tjera ka në shumë universitete të vendit, duke përfshirë Universitetet shtetërore të Miçiganit, Ajdahos, Oklahomas, Karolinës së Veriut etj., deri në Universitetet si Stanford apo ato me rankimin më të lartë në botë të kategorisë “Ivy League” si Kornell dhe Harvard.
Nismat për nxitjen e shkollimit të barinjve mundësojnë shumë më shumë se sa edukimin e barinjve të ardhshëm, përmes tyre krijohen ferma model dhe zhvillohen gjithmonë e më shumë aktivitete si shkëmbimet e udhëtimeve midis barinjëve nga vende e rajone të ndryshme, trajnimi i studiuesve të fushës pasuniversitare në kulturën baritore dhe lehtësimi i veprimtarive të organizatave përfaqësuesve të barinjve nga Europa dhe gjithë bota.
Kultura e shkollimit dhe trajnimit profesional është shndërruar nga një nismë me qëllim rritjen e standardit të jetesës për vendet në zhvillim, siç është rasti i shkollave në vendet e Afrikës për barinjtë e vegjël në moshë, në një nga sektorët e arsimit që synon të mbajë gjallë dhe rijetëzojë blegtorinë e bujqësinë në shtetet që i kanë të gjitha mundësitë për t’i shfrytëzuar këto fusha në të mirë të ekonomisë vendase.
lexo.al
